சட்டம்
சட்டம் என்பது ஒரு நிறுவன அமைப்புமுறையால் அந்நிறுவன ஆளுகை எல்லைக்குள் வாழும் அனைவரையும் ஒழுங்குபடுத்தும் விதிகள், நெறிமுறைகள் போன்றவற்றைக் குறிக்கும். ஒரு குறிப்பிட்ட செயல் அல்லது செயல்தவிர்ப்பு குறித்த தண்டனை வழங்குகிற அதிகாரத்தை தன்னகத்தே கொண்டிருப்பதே சட்டத்தின் தனித்தன்மையாகும்.
மேற்கோள்கள்[தொகு]
- தனி மனிதன் எவ்வாறு தன் மனதை அடக்கிக் ஆள நோன்பு முதலியவற்றை மேற்கொள்கிறானோ அது போல் ஒரு சமுதாயம் தன் மனம் போன போக்கில் போகாமல் ஒழுங்காகக் கட்டுப்படுவதற்கு மேற்கொள்ளும் அரசியல் நோன்பு தான் சட்டம் என்பது.
- வாழ்வின் அடிப்படைகளான நல்ல பண்புகளாகிய அன்பு, தொண்டு, அருள், நீதி முதலியவை வாழ வேண்டுமானால் சட்டம் வேண்டியது தான்.
- மு. வரதராசனார்.
- வெட்கத்திற்குப் புரிவது, சட்டத்திற்குப் புரியாது.
- மாப்பாசான்
- சட்டம் ஒரு இருட்டறை, அதில் வக்கீலின் வாதம் ஒரு விளக்கு; அது ஏழைக்கு எட்டாத விளக்கு.
- எந்த நாட்டில் சட்டங்கள் இயற்றப்பட்டு அதற்குப் பின்னால் தண்டனைச் சக்தி இருக்கின்றதோ, அந்த நாட்டிற்குப் பெருமை இருக்காது. அந்நாடு எவ்வளவு பரந்த நாடாய் இருப்பினும் மிகச் சிறிய நாடு என்று தான் சொல்ல வேண்டும்.
- வினோபாஜி.
- ஒரு மனிதன் முறையாக அதை பயன்படுத்தினால் சட்டம், நல்லது.
- டிமோதி
- சட்டம் ஒரு அடிப்பகுதியில்லாத பள்ளம் ஆகும்.
- ஜான் அர்புத்னாட்
- சட்டத்தின் அலட்சியம் ஈர்ப்பு விதியை இடமாற்ற அனுமதிக்கிறது.
- ஆர். ஏ. லஃபெர்ர்டி
- சட்டத்தின் வெளிச்சம் சட்ட கல்லூரியின் வாசல் வரையே.
- பெயர் வெளியிட விருப்பம் இல்லாதவர்
- மிக ஆழ்ந்து படிந்துவிட்ட சமூகத் தீமைகளை வெறும் சட்டத்தால் நீக்கிவிட முடியாது. என்றாலும், அப்போதுதான் எடுத்துக் கொண்ட நோக்கத்திற்கு ஒருவேகம் கிடைக்கும்.
- ஜவகர்லால் நேரு (6-5-1961)[1]
- ஓர் ஆட்சியின் சட்டம், ஆணை, கட்டளை உத்தரவு மக்களுக்கு உகந்தவாறில்லாமல், தவறானதாக அமைந்தால், மகன் தந்தையையும், அமைச்சன் மன்னனையும் எள்ளளவு முனையும் அஞ்சாமல், தயங்காமல் எதிர்த்துப் போராடலாம்.
- ஆட்சியிலே இருப்போரின் சட்டங்கள், மக்களின் வாழ்க்கையை நெறிப்படுத்தும் வகையில் இருக்கவேண்டும். சட்டத்தை மீறினால் தண்டனை உறுதி என்ற அச்சம் மக்கள் உள்ளத்திலே பதியவைக்கும் சட்டங்களை அவர்கள் இயற்ற வேண்டும்.
- இரண்டு வக்கீல்களுக்கிடையிலுள்ள வழக்காடுபவன். இரண்டு பூனைகளுக்கிடையில் அகப்பட்டுக்கொண்ட மீன் போலிருப்பான்.
- சட்ட நடவடிக்கையில், செலவைத் தவிர மற்றது எதுவும் நிச்சயமில்லை.
- எஸ். பட்லர்[3]
- சட்டம் ஓர் எலிப்பொறி உள்ளே செல்வது எளிது; ஆனால், வெளியே வருவது கஷ்டம்.
- பால்ஃபோர் [3]
- சட்டத்தையும் மருந்தையும் அவசியம் ஏற்பட்டால்தான் உபயோகிக்க வேண்டும் இல்லாவிடில், உடல்கள் மெலிந்து போகும். பைகள் காலியாகிவிடும்.
- குவார்லெஸ்[3]
- சட்டங்கள் சிலந்திவலைகள் போன்றவை. அவைகளில் சிறு ஈக்கள் சிக்கிக்கொள்ளும். ஆனால், குளவிகளும் வண்டுகளும் வலைகளை அறுத்துக்கொண்டு ஓடிவிடும்.
- ஸ்விஃப்ட்[3]
- ஆங்கிலேயரின் சட்டங்கள் குற்றத்தைத் தண்டிக்கின்றன: சீனர்களின் சட்டங்கள் இன்னும் அதிகமாய்ச் செய்தின்றன, அவை நன்மையைப் பாராட்டிப் பரிசளிக்கின்றன.
- சட்டங்கள் ஏழைகளைக் கசக்கிப் பிழிகின்றன. பணக்காரர்களோ சட்டத்தை ஆட்சி செய்கின்றனர்.
- கோல்டுஸ்மித்[3]
- சட்டப்படியுள்ள ஏழை மனிதனின் உரிமையைப் போல, வலையில் தொங்கும் மீன் அதை விட்டு வெளியே வருதல் அபூர்வம்.
- சட்டத்தின் பண்பு, இரக்கம்; கொடுங்கோலர்களே அதைக் கொடுமையாக உபயோகிப்பார்கள். -ஷேக்ஸ்பியர்[3]
- ஒழுக்கமுறைபற்றி மக்களுடைய உணர்வே சட்டமாக அமைந்துள்ளது.
- பிளாக்ஸ்டோன்[3]
- நல்ல சட்டங்கள் நன்மை செய்வதை எளிதாக்குகின்றன. தவறு செய்வதைக் கடினமாக்குகின்றன.
- கிளாட்ஸ்டன்[3]
- சட்டமும் ஒழுங்கும் இல்லாமல் சமுதாயம் வாழ முடியாது. தீவிரமாகச் சட்டத்தை மீறி மேற்செல்பவர்கள் இல்லாமல் சமுதாயம் முன்னேறவும் முடியாது.
- சட்டம் உன்னைக் குடியாமலிருக்கச்செய்ய முடியும். ஆனால், சட்டமில்லாமல் உன்னைக் குடியாமலிருக்கும்படி திருத்த அதனால் முடியாது.
- சட்டம் ஒரு போதும் ஆக்கவேலை எதுவும் செய்வதில்லை.
- ஒரு மனிதன் மாற்றவே முடியாத சட்டம் என்று ஒன்றைப்பற்றிப் பேசினால், அவனை மாற்றவே முடியாத மனிதன் என்றுதான் எனக்குத் தோன்றுகின்றது.
- மக்களின் பாதுகாப்பு இறைவனின் சட்ட்ம்
- ஜேம்ஸ் ஒட்டிஸ்[3]
- சட்டம் மரணத்தைப் போலிருக்க வேண்டும். மரணம் எவரையும் விடுவதில்லை.
- மாண்டெண்கியு[3]
- சட்டங்கள் அரசர்களுக்கும் அரசர்கள்.
- சட்டம் தீரும் பொழுது கொடுங்கோல் தொடங்குகின்றது.
- வில்லியம் பிட்[3]
பழமொழிகள்[தொகு]
- பூனைக்காகப் பசுவை இழப்பது போன்றது வழக்காடல். - சீனப் பழமொழி[3]
குறிப்புகள்[தொகு]
- ↑ சுரதா (பிப்ரவரி, 1977). சொன்னார்கள். நூல் 91-100. சுரதா பதிப்பகம். Retrieved on 17 ஆகத்து 2019.
- ↑ 2.0 2.1 என். வி. கலைமணி (2000). கன்பூசியஸின் நம்மை மேம்படுத்தும் எண்ணங்கள். நூல் 7-25. சாந்தி நிலையம். Retrieved on 7 ஏப்ரல் 2020.
- ↑ 3.00 3.01 3.02 3.03 3.04 3.05 3.06 3.07 3.08 3.09 3.10 3.11 3.12 3.13 3.14 3.15 3.16 3.17 3.18 3.19 3.20 3.21 ப. ராமசாமி (2004). உலக அறிஞர் சிந்தனைக் களஞ்சியம். நூல் 171-173. நாதன் பதிப்பகம். Retrieved on 14 ஏப்ரல் 2020.
வெளி இணைப்புகள்[தொகு]
