எஸ்தோனிய பழமொழிகள்

இப்பக்கத்தில் எஸ்தோனிய மொழி பழமொழிகள் தொகுக்கபட்டுள்ளன.

• அதிகாலையில் எழுந்தவனும், இளமையில் மணந்தவனும் வருந்தியதில்லை.
• அருமையான குழந்தைக்குப் பிரம்பு தேவை.
• அழகான பெண் கண்ணுக்குத்தான் சுவர்க்கம், ஆனால் பணப்பைக்குச் சனியன், ஆன்மாவுக்கு நரகம்.
• எல்லாப் பெண்களும் நல்லவர்களா யிருக்கும் பொழுது, கெட்ட மனைவியர் எங்கிருந்து வருகின்றனர்?
• ஒரு பெண் மற்றொருத்தியைப் புகழ்ந்து ஒரு போதும் பேசமாட்டாள்.
• ஒரு பெண்ணின் பாவு ஒன்பது பெண்களின் ஊடு.
• உலகத்திற்கெல்லாம் தெரிய வேண்டிய விஷயத்தை உன் மனைவியிடம் சொன்னால் போதும்.
• ஊசியில்லாத பெண் நகமில்லாத பூனை. (தையல் வேலை பெண்ணுக்கு அவசியம்.)
• கணவன் தலை, மனைவி இதயம்- இப்படியுள்ள திருமணம். இன்பமானது.
• கப்பல், குதிரை, அல்லது மனைவியை மற்றவரை நம்பி ஒப்படைக்காதே.
• கன்னியா யிருக்கும் பொழுது மாடப்புறாவா யிருந்தவள் மனைவியான பின் தண்டாயுதமாகி விட்டாள்.
• காதலில் துரு ஏறாது.
• குதிரையையும் மனைவியையும் இலகானில்லாமல் உபயோகிக்க வேண்டாம்.
• குருட்டுக் கோழிக்கும் ஒரு தானியம் கிடைக்கின்றது, குடிகாரனுக்கும் ஒரு மனைவி கிடைக்கிறாள்.
• குழந்தையின் அருமை அடுத்த குழந்தை வரும்வரை.
• குழந்தையின் ரொட்டியில் மணல் கலந்திருக்கும்.
• சமையல் மோசமானால், ஒரு நாள் நஷ்டம்; அறுவடை. மோசமானால், ஒரு வருட நஷ்டம்; விவாகம் மோசமானால் ஆயுள் முழுவதும் நஷ்டம்.
• செழிப்பான பண்ணையிலிருந்து குதிரையை வாங்கு; ஏழைப் பண்ணையிலிருந்து பெண்ணை வாங்கு.
• தந்தையின் அன்பு கல்லறை வரை; தாயின் அன்பு உலகுள்ள வரை.
• தாடி ஒரு மனிதனுக்குக் கௌரவம்; மனைவி அவன் கருவி.
• தாயில்லாத மறியை எல்லாக் குட்டிகளும் முட்டும்.
• திருமணப் பெண்ணுக்கு இசையும் அழகும்; விவாகமான பின் பசியும் தாகமும்.
• தொடக்கத்தில் இருவரும் ஒரே சட்டைக்குள் ஒண்டியிருக்க முடிந்தது; பின்னால் அவர்கள் ஒரே குடிசையில் சேர்ந்திருக்க முடியவில்லை.
• நாலு மரக்கால் நிலக்கரி கொடுத்தால், ஒரு நாயகன் கிடைப்பான்; ஆனால் ஒரு 'டன்' கோதுமை கொடுத்தால் தான் ஒரு பெண் கிடைப்பாள்.
• பயமில்லாமல் வளரும் குழந்தை பெருமையில்லாமல் மரிக்கும்.
• பிறக்கும் பொழுது அழுதுகொண்டு வந்தோம், போகும் பொழுதாவது சிரித்துக்கொண்டு செல்லும்படி வாழ வேண்டும்.
• பிறர் புகழும் குதிரையை வாங்கு, பிறர் குறை பேசும் பெண்ணை மணந்துகொள்.
• புதர்களெல்லாம் பெண் இனம். [பெருகக் கூடியவை.]
• பெண் குழந்தை வீட்டிலிருப்பதைக் கொண்டு செல்லும், ஆண் குழந்தை (வெளியிலிருந்து) கொண்டுவரும்.
• பெண் குழந்தைகள் வீட்டுக்கு அலங்காரம், அவர்கள் விற்பனைக்குரிய பொருள்கள்.
• மகள் உன் முட்டளவு வளர்ந்து விட்டால், அவளுடைய சீதனப்பெட்டி அவள் மார்பளவு உயரம் இருக்க வேண்டும்.
• மனிதனுக்கு மனைவி வாய்த்தே தீருவாள்.
• மனிதனின் பூட்டு மனைவி.
• மனைவி ஒருமுழம் தள்ளி யிருந்தாலும், அந்த அளவுக்கு மனிதன் சுதந்திரமுள்ளவன்.
• மனிதன் வாழ்க்கையை மனைவியே பாழாக்குகிறாள்.
• மாதாகோயிலுக்குச் செல்லும் பாதையிலிருந்து கொண்டு உனக்கு மனைவியைத் தேர்ந்தெடுக்காதே.
• வசந்த காலம் வந்து குழந்தையை முத்தமிடுகிறது, மாரிக் காலம் வந்து அதை வதைக்கிறது.
• வாழ்க்கை ஒரு போராட்டம்.
• வானத்தில் பறவையின் பாதையைக் காணமுடியாது, கன்னியை நாடும் காதலன் பாதையையும் காண முடியாது.
• வீட்டைக் கட்டிப் பாராதவன் மண்ணிலிருந்து சுவர்கள் முளைத்திருப்பதாக எண்ணுவான்.
• வீடு இல்லாளின் உலகம், உலகம் மனிதனின் வீடு.