கிரேக்கப் பழமொழிகள்
இதில் கிரேக்கப் பழமொழிகள் சேகரிக்கபட்டுள்ளன
- அடங்காமல் துள்ளும் குட்டிகளே பின்னால்சிறந்த குதிரைகளாக ஆகின்றன.
- இன்று வாழுங்கள், பழமையை மறவுங்கள்.
- உறவினர் குறைந்திருத்தல் ஓர் அதிருஷ்டம்தான்.
- எல்லாப் பெண்களிலும் உனக்கு மிகவும் அருகிலுள்ள பெண்ணையே மணந்துகொள்.
- என் கணவன் என்னை அடிப்பதில்லை, காரணம் அவனுக்கு என்மீது அன்பில்லை.
- ஓர் ஏழை பணக்காரியை மணந்து கொண்டால், அவள் மனைவியல்லள் -யஜமானி.
- கடல், தீ, பெண்கள்: மூன்றும் தீமைகள்.
- காதல் உண்டாக்கும் புண்ணை அதுவே ஆற்றிவிடும்.
- காதலர் கோபம் காதலுக்குப் புத்துயிர்.
- கிழவர்கள் இரண்டாவது முறையாகக் குழந்தைகள்.
- சந்தோஷமாயிருப்பவர்களுக்கு வாழ்க்கை சுருக்கம், துக்கமாயிருப்பவர்களுக்கு வாழ்க்கை நீண்டது.
- தெய்வங்களுக்குப் பிரீதியானவர்கள் இளமையிலே இறக்கிறார்கள்.
- தொடர்ந்து நடுங்கிக் கொண்டிருப்பதைவிட, ஒரேயடியாக மரித்தல் மேலானது.
- நரிகளை விட அதிகமாக நம் அக்கம் பக்கத்திலுள்ளவர்களே நம்மைக் கவனிப்பார்கள்.
- நான் விவாகம் செய்து கொள்ளவில்லை, என் தந்தையும் விவாகமில்லாது இருந்திருந்தால் எவ்வளவு நலமாயிருந்திருக்கும்.
- பகலை இரவில் புகழுங்கள், வாழ்வை முடிவில் புகழுங்கள்.
- புகழ் பெற்ற மனிதர்க்கு உலகு அனைத்துமே சமாதி.
- புறாவின் இளமையினும் கழுகின் முதுமை மேலானது.
- பெண்ணை அவள் இறந்த பிறகும் நம்பவேண்டாம்.
- பெரும்பாலான மனிதர் தீயவர்.
- மரணத்தில் பயங்கரம் ஒன்றுமில்லை, கேவலமான மரணமே அத்தகையது.
- மரணம் என்பது புனிதமான உறக்கம்.
- மனிதர் தானாக வரவேற்றுக் கொள்ளும் தீமை திருமணம்.
- மனிதர் நியாயமற்ற முறையில் மரணத்தை வெறுக்கின்றனர்; அவர்களுடைய பல துயரங்களுக்கும் அதுவே காப்பாயிருக்கின்றது.
- மனிதனுக்கு உயர்ந்த நன்மையும் பெரிய நோயும் பெண்ணாலேயே கிடைக்கின்றன.
- மனிதனுக்கு மனிதன் கடவுள்.
- முதுமைக்கு அஞ்சுங்கள், அது தனியாக வருவதில்லை.
- வாலிபப் பருவத்தை அநுபவிக்க வேண்டும்.
- வாழ்க்கை ஒரு மேடை, உங்கள் பாகத்தை , நடிக்கக் கற்றுக் கொள்ளுங்கள்.
- வாழ்க்கை தீமையில்லை, தீமையாக வாழ்வதிலேயே தீமை உள்ளது.