மக்கள்

மக்கள் என்ற தமிழ்ச்சொல்லிற்கு மானுடவினம், ஐம்பொறியுணர்வோடு மனவறிவு உடைய உயிரினம் என்று பொருள் கொள்ளலாம். இவர்கள் குறிப்பிட்ட பண்புகளுடன் குழுப்படுத்தப்படலாம் (காட்டாக, தமிழ் மக்கள்) அல்லது எந்தவொரு பொதுப்பண்புகளும் இல்லாதவர்களாகவும் இருக்கலாம்.

மேற்கோள்கள்

• உலகில் மூன்று வகையான மக்கள் இருக்கின்றனர். 'செய்ய முடியும்' என்பவர் 'செய்யமாட்டோம்' என்பவர் 'செய்ய இயலாது' என்பவர். முதலாமவர், எல்லாவற்றையும் செய்து முடிக்கின்றனர். இரண்டாமவர், எல்லாவற்றையும் எதிர்க்கின்றனர். மூன்றாமவர் எல்லாவற்றிலும் தோல்வியடைகின்றனர் - "எக்லெக்டிக்' பத்திரிகை

• நீங்கள் எல்லா மக்களையும் சிறிது காலத்திற்கு ஏமாற்றலாம். ஆனால், எல்லா மக்களையும், எல்லாக் காலத்திலும் ஏமாற்றிக் கொண்டிருக்க முடியாது. - லிங்கன்

• மக்கள் என்ன நிலையிலிருக்கின்றனர் என்பது மிகுதியாக அவர்களுடைய மூதாதையர்களைப் பொறுத்திருக்கிறது. கல்வி, முன் மாதிரிகள், பழக்கங்கள் முதலிய எத்தனையோ விஷயங்களை நீங்கள் காரணங்களாகக் கூறலாம். ஆனால் பெரும் அளவுக்கு அவர்களுடைய் இனமே முக்கியமான காரணமாகும். - மில்ஸ்