ஆப்பிரிக்கப் பழமொழிகள்

இப்பக்கத்தில் ஆப்பிரிக்கப் பழமொழிகள் தொகுக்கப்பட்டுள்ளன.

அத்தை மகளை விட்டுவிட்டு, வெளியில் பெண்ணெடுப்பவன் மூடன்.
அநுபவமில்லாதவன் வைத்தியரைக் குணப்படுத்திவிடுவான்.
அன்புக்கு உற்பத்திஸ்தானம் அன்னை.
அன்னையை எவரோடும் ஒப்பிடக்கூடாது.--அவள் ஈடற்றவள்.
உணவு இல்லாத இடத்தில் நீரே அமிழ்தம்
உதிர்ந்த இறகைப் பசை வைத்துத்தான் ஒட்டவேண்டும்!
உலகிலே ஒரு குழந்தையை விட்டுச் செல்பவன் நித்தியமாக வாழ்கிறான்.
உன் மனைவியிடம் ஆலோசனை கேள், ஆனால் அவள் சொல்வதற்கு மாறாகச் செய்.
உணவோடு சேர்த்து மருந்தைக் கொடுத்தால், நோய் குணமாகா விட்டாலும், பசியாவது ஆறும்.
ஒவ்வொரு விலங்கும் தன் குகையில் உறுமும்.
கட்டாகவுள்ள கழிகளை ஒடிக்க முடியாது.
கண்ணீர் உயிரைப் பிடித்து வைக்க முடியாது.
காதல் கட்டுப்பாடற்ற கழுதை.
குட்டையான பெண்ணை மணந்து கொண்டால், துணி அதிகம் தேவையிராது.
குழந்தை, ஒட்டகக்கழுத்து மாதிரி, எங்கு வேண்டு மானாலும் நுழையும்.
குழந்தைகளில்லாத எலி ஆற்றோரம் வீடு கட்டிக்கொள்ளும்.
குழந்தைகள் தெய்வத்தோடு பேசுகின்றன.
கேள்விகள் கேட்கும் குழந்தை மூடக் குழந்தையன்று.
செத்தவற்றிலும் உயிருள்ளவை இருக்கும், உயிருள்ளவைகளிலும் இறந்தவை இருக்கும்.
தவழப் பழகிய குழந்தையே நடக்கப் பழகும்.
தன் வீட்டுக்குத் திரும்பிவரும் மனிதன் தீய சகுனங்களைப் பொருட்படுத்த மாட்டான்.
தாடியுள்ள வாய் பொய் சொல்லாது.
தாயும் தந்தையும் செல்லாத பாதையில் நீ செல்ல வேண்டாம்.
திருமணத்திற்கு முன்னால் கண்களைத் திறந்து வைத்துக்கொள், பின்னால் பாதிக் கண்ணை மூடிக்கொள்.
தொங்கும் கயிற்றைப் பிடித்திருந்தால் வாழ்வு, விட்டால் சாவு
நாயைப் போன்றவள் பெண்; எலும்பைக் காட்டினால் நாய் ஏமாந்து பின்னால் வரும்.
நீயோ வைத்தியரை ஏமாற்றிவிட்டாய்; அடுத்த நோய்க்குச் சொந்த வைத்தியம் செய்துகொள்.
நீ வைத்தியரை வெறுத்தால், பிணியையும் வெறுக்க வேண்டும்.
நோயாளியின் நண்பன் அவனுடைய கட்டில் தான்
பஞ்சை நேசிப்பது போல் என்னை நேசி; நூல் அதிக மென்மையாகும் பொழுது அதிகப் பஞ்சை விட்டும், நூல் அறுந்தவுடன் ஒட்டியும் ஆதரவு காட்டுவது போல, என்னை வைத்துக் கொள்ளவும்.
பெரிய நகருக்குச் சென்றிராத குழந்தை தன் தாய்தான் தலை சிறந்த சமையற்காரி என்று சொல்லும்.
பெண்டாட்டி யென்றால், புடவை, துணிமணிகள் என்று பொருள்.
பெண்ணுக்குப் பணிவது நரகத்திற்குப் பாதை.
பெரிய இடத்துப் பெண்ணை விவாகம் செய்து கொண்டு, பாயில் படுத்துறங்கு.
மரணம் வீட்டின் உடைமைக்காரன், அந்நியனல்லன்.
மனிதக் குஞ்சுகள் பறக்க நாளாகும்.
மனைவிக்குச் சீலைகள் வாங்கிக் கொடுத்தால், கணவனுக்கு அமைதி கிடைக்கும்.
மூட்டை கோழிக்கு அடைகாக்கச் சொல்லிக் கொடுக்கிறது!
முதலாவது செல்வம் குழந்தைகள், இரண்டாவதுதான் பணம்.
முதற் குழந்தை தந்தைக்குத் தோழன்.
மெலிந்தவனை அரை ஆள் என்றும், பருத்தவனை இரண்டு ஆள் என்றும் கணக்கிடுவதில்லை.
வயதானவருக்கு அவர் கேட்கு முன்னால் கொடு.
வீட்டுத் தலைவன்மீது தான் வீட்டிலுள்ள எல்லோருடைய குப்பைகளும் கொட்டப்படும்.
வீட்டைப் பெருக்குவோன் துடைப்பத்தின் மீது அமரக் கூடாது.
வீடு அன்பு நிறைந்த இடம்.