கப்பலோட்டிய தமிழன்

கப்பலோட்டிய தமிழன் என்பது 1961 இல் வெளியான இந்திய தமிழ்த் திரைப்படமாகும். இது இந்திய விடுதலைப் போராட்டத் தலைவர்களுள் ஒருவரான வ. உ. சிதம்பரம்பிள்ளை பற்றிய திரைப்படமாகும்.

திரைப்படம் குறித்த மேற்கோள்கள்

'கப்பலோட்டிய தமிழன்' திரைப்படத்திற்கு கடைசிவரை பக்தவச்சலம் அரசு வரிச்சலுகை தர மறுத்துவிட்டது: ஏன் என்பது ரொம்பப் பேருக்குத் தெரியாது. 'கப்பலோட்டிய இந்தியன் என்றல்லவா படத்திற்குப் பெயர் இருந்திருக்கவேனும்; அதென்ன 'தமிழன்' மண்ணாங்கட்டி'. சரி தொலையுது என்று வைத்துக் கொண்டாலும், படம் முடியப் போகும் போது வரிசையாக - வ.உ.சியைப் போல இவர்களும் சுதந்திரத்திற்காகப் பாடுபட்டவர்கள்தான் என்ற வரிசையில் தோழர் ஜீவானந்தத்தின் படத்தையுமல்லவா காட்டுகிறார்கள்! (குடிகெட்டுப்போச்சே). இந்த விடுதலைப் பொன்விழா ஆண்டில் எனக்கு இதெல்லாம் காரணம் இல்லாமல் ஞாபகத்துக்கு வந்து தொலைகிறது. -கி. ராஜநாராயணன் அவர்களின் பதிவுகள் என்ற நூலிலிருந்து.