நேர்மையின்மை
வஞ்சகம் என்னும் நேர்மையற்ற, நாணயமற்ற செயல்குறித்த மேற்கோள்கள்
- மனிதர் பிறப்பது மெய்யராக, ஆனால் இறப்பதோ வஞ்சகராகவே. -வாவனால்கூஸ்[1]
- அற உடை அணிந்த மறத்தைப்போல அபாயகரமான்து கிடையாது. -பப்ளியஸ் ஸைரஸ்[1]
- நயனம் ஒன்று சொல்ல நாவொன்று சொல்லின், விஷயம் அறிந்தவன் நயன மொழிகளையே நம்புவான். -எமர்ஸன்[1]
- சூதிற்கும் அறிவிற்குமுள்ள வேறுபாடு குரங்கிற்கும் மனிதனுக்குமுள்ள வேறுபாடு போலாகும். - பென்[1]
- வஞ்சக நடை என்பது மறம் அறத்திற்குச் செய்யும் மரியாதையே யாகும். -ரோஷிவக்கல்டு[1]
- நம்மிட முள்ளதாக நாம் பாசாங்கு செய்யும் குணங்களைப் போல், நம்மிடம் உண்மையாகவேயுள்ள குணங்கள் ஒரு பொழுதும் நம்மை நகைப்பிற் கிடமாக்குவதில்லை. -ரோஷிவக்கல்டு[1]
- உலகில் யாரும் அறியாதபடி உலவும் தீமை வஞ்சக நடை ஒன்றே. அதை ஆண்டவன் மட்டுமே அறிவான். -மில்ட்டன்[1]
- வேஷம் போட்டு வெகு காலத்துக்கு ஏமாற்ற முடியாது. உண்மை இல்லாத இடத்தில் இயற்கை தலை காட்ட முயன்று கொண்டிருக்கும். என்றேனும் ஒருநாள் வெளிப்படுத்தியே விடும். -பிஷப் ஹால்[1]
- எல்லோரிலும் யாரை எளிதாக ஏமாற்ற முடியும்? தன்னைத்தான். -புல்வெல் லிட்டன்[1]
- உயர்ந்தோர் தோஷங்களாலேயே உருப்பெற்றவர் என்பர். -ஷேக்ஸ்பியர்[1]
- ஏமாற்றிப் பழக ஆரம்பிக்கும்பொழுது எவ்வளவு தூரம் நம்பக்கூடிய பொய்களைச் சொல்லத் தெரியாமல் திண்டாடுகிறோம்! -ஸ்காட்[1]
- தீயொழுக்கம் நல்லொழுக்கத்தின் பெயரைச் சொல்லிக்கொண்டு நாம் அறியாமலே நம்மிடம் குடி புகுந்துவிடும். -ஸெனீக்கா[1]
- என்ன அழகான பழம்-இதனுள்ளே அழுகல்-பொய் எவ்வளவு அழகாய் வேஷம் போட்டுக் கொள்கிறது -ஷேக்ஸ்பியர்[1]
- வஞ்சக நடையுள்ளவன் இயற்கையான அயோக்கியத் தனம், செயற்கையான ஏமாற்றுக்குணம் ஆகிய இரண்டு சரக்குகளைக் கொண்டு செய்து தங்க நிறம் கொடுத்த மாத்திரை யாவான். -ஓவர்பரி[1]
- வேண்டுமென்றே தன். நண்பனை ஏமாற்றும் ஒருவன், தன்னைப் படைத்த கடவுளையே ஏமாற்றுவான். - லாவேட்டர்[2]
- நிரந்தரமான நன்மையைக் கைவிட்டுத் தாற்காலிக நன்மைகளை நாடுவது அயோக்கியதை. -போவி[2]
- தீயவர் நம்மை நேருக்கு நேராக நின்று பார்க்கக் கூகவர் என்றெல்லாம் அறிவில்லாமல் பேசப்படுகின்றது. அந்தக் கருத்தை நம்ப வேண்டாம். ஆதாயம் ஏதேனும் கிடைக்குமானால், வாரத்தில் எந்த நாளிலும் அயோக்கியதை நம்மை ஏறிட்டுப் பார்த்து. நேர்மையைக்கூட விரட்டிவிடும். - டிக்கன்ஸ்[2]
- ஒவ்வொரு மனிதனும் தன் அண்டையில் இருப்பவர்கள் தன்னை ஏமாற்றாமலிருக்க வேண்டும் என்று கவனமாய், பார்த்துக்கொள்கிறான். ஆனால், பின்னால் ஒரு காலம் வருகின்றது. அப்பொழுது அவன் தான் எவரையும் ஏமாற்றாமலிருக்க வேண்டுமே என்று கவனமாயிருக்கத்தொடங்குகிறான். அது முதல் எல்லாம் சரியாக நடந்து வருகின்றது. - எமர்ஸன்[2]
- தீய வழியில் வந்தது எதுவும் தேய்ந்து போகின்றது. ஏனெனில் அதிலேயே அழிவுக்குரிய சாபத்தீடு அமைந்திருக்கின்றது. தீய வழிகளில் வந்த பொருள்களைத் தீய வழிகளிலே விரயம் செய்யவே ஆசையுண்டாகும். - எம். ஹென்ரி[2]
- அயோக்கியதை யாரையும் விடாது நண்பரையும் ஏமாற்றும், பகைவரையும் ஏமாற்றும் முடிந்தால், கடவுளையும் ஏமாற்றும். - பாங்கிராஃப்ட்[2]
- நியாயமான விலை கொடாமல் பொருள்களை அடித்துப் பேசிக் குறைந்த விலைக்கு வாங்குதல். கடைக்குள் புகுந்து பொருள்களைத் திருடுவது போன்றதே. - பீச்சேர்[2]
- தீயவை தீய பயத்தலால் தீயவை
தீயினும் அஞ்சப் படும். -திருவள்ளுவர்[2] - மறந்தும் பிறன்கேடு சூழற்க. - திருவள்ளுவர்[2]
- வினைப்பகை வீயாது பின்சென்று அடும். - திருவள்ளுவர்[2]
- தீயசெயல் செய்வார் ஆக்கம் பெருகினும்,
தீயன தீயனவே வேறல்ல. - நீதிநெறி விளக்கம்[2] - அறம் புரிந்து அல்லவை நீக்கல் இனிது. - இனியவை நாற்பது[2]
- அடல்வேண்டும் ஆக்கம் சிதைக்கும் வினை. - நான்மணிக்கடிகை[2]
- அல்லவை செய்வார்க்(கு) அறம் கூற்றம். -நான்மணிக்கடிகை[2]
இதையும் காண்க[தொகு]
குறிப்புகள்[தொகு]
- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 என். வி. கலைமணி (திசம்பர் 2000). உலக அறிஞர்களின் நம்மை மேம்படுத்தும் எண்ணங்கள்/வஞ்சகம். நூல் 74- 75. மெய்யம்மை நிலையம். Retrieved on 13 மே 2019.
- ↑ 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 2.13 ப. ராமசாமி (2004). உலக அறிஞர் சிந்தனைக் களஞ்சியம். நூல் 40-41. நாதன் பதிப்பகம். Retrieved on 14 ஏப்ரல் 2020.