சுதந்திரம்

விக்கிமேற்கோள் இல் இருந்து
Jump to navigation Jump to search

சுதந்திரம் என்பது சிறைப்படுத்தப்படாத, அடிமைப்படுத்தப்படாத, வலிந்து தடுகாத நிலையாகும்.இது குறித்த மேற்கோள்கள்

  • வாழ்க்கை என்பது என்ன? வெளியே கற்றி நடப்பதும். நல்ல காற்றைச் சுவாசிப்பதும், உயரே சூரியனைப் பார்ப்பதும் அன்று. சுதந்தரமாயிருப்பதே வாழ்க்கை. அடிஸன்[1]
  • மனித சமுகம் எப்பொழுது மிக அதிகமான அளவில் சுதந்தரம் பெற்றுள்ளதோ, அப்பொழுதுதான் உச்ச நிலையில் விளங்கும். - தாந்தே[1]
  • சுதந்தரம் மனித சமூகத்தின் கதியை நிர்ணயிப்பது. உலகில் எந்த அளவில் அது வெற்றி பெற்று வளர்கின்றதோ, அந்த அளவுக்கு அது சுதந்தரம் விரும்புவோர் அனைவருக்கும் உதவியாகும். - கோஸத்[1]
  • மக்கள் தேர்ந்தெடுக்கும் அரசாங்கத்தைத் தவிர வேறு எதுவும் பூமியில் இருப்பதற்கு நியாயம் கிடையாது. - ஜோஸப் போனபார்ட்[1]
  • சுதந்தரமாயுள்ள மக்கள் அந்தச் சுதந்த்ரத்தைத் தங்கள் குழந்தைகளுக்கும் அளிப்பதே தலைசிறந்த பெருமையாகும். - ஹாவர்டு[1]
  • நான் சுதந்தரத்தில் ஆழ்ந்த நம்பிக்கை கொண்டிருக்கிறேன். சமூக சுதந்தரம். பொருளாதார சுதந்தரம். குடும்ப சுதந்தரம். அரசியல் சுதந்தாம். அறிவுச் சுதந்தரம் ஆன்மிகச் சுதந்தரம், அனைத்தும் அவசியம், - எல்பர்ட் ஹப்பர்ட்[1]
  • சமய சுதந்தரம், பத்திரிகை சுதந்தரம். சட்டத்தின் மூலம் தனி மனிதவின் உடற்காப்புக்குச் சுதந்தரம் ஆகிய தத்துவங்களே, புரட்சியும் மறுமலர்ச்சியும் நடந்து வந்த காலத்தில் நமக்கு வழிகாட்டிகளாயிருந்து வந்தன. - ஜெஃபர்ஸன்[1]
  • சட்டத்திற்கு உட்பட்டு அமையும் சுதந்தரமே உண்மையான சுதந்திரம் -பர்டன்[1]
  • தனி மனிதனின் சுதந்தரம் மனிதனின் பெருமைக்கும் இன்பத்திற்கும் அவசியமாகும். - புல்வர்[1]
  • மற்ற சுதந்தரங்களைக்காட்டிலும் எனக்கு அறிவு பெறவும், சிந்தனை செய்யவும், நம்பிக்கை கொள்ளவும், மனச்சாட்சியின்படி நினைத்ததைப் பேசவும் உரிமை தேவை. - மில்டன்[1]
  • எங்கே சுதந்தரம் உளதோ, அது என் நாடு. மில்டன்[1]
  • சுதந்திரமாயிருக்க வேண்டுமென்று உறுதிகொண்ட மக்கள்மீது அடிமைத்தனத்தைச் சுமத்தப் பார்ப்பதைவிட மலையை அடியோடு பெயர்த்தெறிவது எளிது. - ஸதே[1]
  • மனித உடலுக்கு ஆரோக்கியத்தைப் போல், சமூகத்திற்குச் கதந்திரம் தேவை. - கௌவி[1]
  • சுவர்க்கத்திலே என்னைச் சிறை வைத்தாலும், நான் அதன் பளிங்கு, சுவர்களைத் தாண்டி வெளியேறவே விரும்புவேன். எனக்கு கதந்தரமே தேவை. -டிரைடன்[1]
  • சுதந்திரம், சமத்துவம் ஆகிய கொள்கை வெறும் சுய நலத்தோடு சேர்ந்திருந்தால், மனிதர்களைப் பேய்களாக்கிவிடும். ஒவ்வொருவனும் சுதந்தரமாகி, தன் சுயநலத்திற்காக மட்டும் போராடிக்கொண்டிருப்பான். இங்கேதான் சமயமும். அதன் ஆற்றலும் தேவைப்படுகின்றன. அவை மனிதர்க்கு அன்பையும் பரோபகாரச் சிந்தையையும் உண்டாக்கும். -ஜான் ராண்டோல்ஃப்[1]
  • உண்மையான சுதந்தரம் என்பது நம் உரிமைகளை நாம் அனுபவிக்கும் உரிமையாகும்; பிறருடைய உரிமைகளை அழிப்பதன்று -பிங்கார்ட்[1]
  • சட்டங்கள அனுமதிக்கும் உரிமையே சுதந்தரம். அவை தடுத்துள்ளவைகளை ஒரு பிரஜை செய்தால், அது சுதந்தரமாகாது. ஏனெனில், மற்றவர்களும் அவ்வாறே செய்ய உரிமை கொண்டாடுவார்கள். -மாண்டெஸ்கியு[1]
  • சட்டத்துக்கு அடங்கிய சுதந்தரம் அடுப்பிலுள்ள நெருப்பானால், சட்டத்துக்கு அடங்காத சுதந்தரம் தரைமீது பரவிய நெருப்பாகும். - ஷில்லாட்[1]
  • சுதந்தரம் ஒரு சமூகத்தை நோக்கி இறங்கி வராது. சமூகமே அதை நோக்கி மேலெழ வேண்டும் அதைச் சிரமப்பட்டு அடைந்து அனுபவிக்கவேண்டும். - கோல்டன்[1]
  • சுதந்தரம் இல்லாமல் ஒரு நாடு சிறப்பாக வாழ முடியாது. - ரூஸோ[1]

குறிப்புகள்[தொகு]

  1. 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 1.15 1.16 1.17 1.18 1.19 ப. ராமசாமி (2004). உலக அறிஞர் சிந்தனைக் களஞ்சியம். நூல் 185-187. நாதன் பதிப்பகம். Retrieved on 14 ஏப்ரல் 2020.
"https://ta.wikiquote.org/w/index.php?title=சுதந்திரம்&oldid=21411" இருந்து மீள்விக்கப்பட்டது